開缸要訣
蝦B Lampson
首先, 第1篇要寫嘅, 係我個缸setting係點樣嘅, 我係度分享一下, 希望幫到大家.
1) 魚缸尺寸係: 50cm長 X 28cm闊 X 30cm高, 大約40幾升水
2) 淘寶仟銳 QA-200A 水妖1個, 下面2個兜放細粒圓形生物環, 另外加放了少少草泥丸入裡面.
3) ADA 1代黑泥, 好薄一層
4) 幾舊沉木
5) RO水, 我在淘寶買了最平個隻RO濾水芯, 百幾蚊, 出泥D水係PH7點幾左右, TDS 10-20左右, 靠草泥丸和沉木降酸. 我唔鍾意用欖仁葉, D水實在好黃, 影響判斷水質是否有問題.
6) 蒙脫石X1, 太古海泥X1
7) 淘寶吉印LED燈X1, 菲利蒲LED燈X1
8 ) 少少莫絲, 蝦躲避屋
9) 水冷機/或者冷氣, 水溫26度以下
10) 肚兜萍
11) 生態菌, 納豆菌, 硝化細菌, Hagen液
12) 得閒見到渦蟲或水蚯蚓之類的, 就落下Z1, 至於有蝸牛, 通常我都冇理佢.
13) 食物係 麥莖菌, 波菜條, 紅蟲捧...之類, 也給煮熟桑葉或波菜. 蝦B就食開口粉.
14) 加2隻蘋果螺, 同D蝦互相循環.
希望冇寫漏, 就係咁, 養水2個星期之後, 將幾十隻水晶蝦倒入去蝦缸, 隔1-2個月適應咗就會開始生B了.
我建議新手, 最好養下米蝦先, 吸收一下經驗.
如果要升級轉養水晶蝦, 最好由蝦B養起, 我覺得蝦B的適應能力高一D.
成年米蝦或水晶蝦都對水質好敏感, 通常水質偏差大的, 都死梗9成.
我有比較多的缸, 每個缸的setting都一樣, 將蝦撈來撈去就冇適應水質問題, 如果係街買返泥, 我試過D水質跟我的差9丈遠, 真係對水都有排對了.
希望鼓勵多D人養觀賞蝦, 大家互相交流心得啦😉
2) 水妖 vs 過濾器
我初期在學習開缸時, 經常係先用過濾器把水從蝦缸裡帶往濾筒, 讓濾筒內的生物環累積硝化細菌, 然後排回蝦缸內. 但係我發覺用這種方式過濾, 水中的含氧量似乎係不足夠的. 我是用 Eheim Compact 60 過濾器的, 蝦缸高度係32 cm, 剛剛夠高用這個濾筒. 出水口我已經有原裝配置的雨淋管, 表面上將水射入水中, 看到有氣泡, 但我發現這些氣泡不足以供給觀賞蝦使用. 加上我的蝦缸尺寸不是很大, 過濾器的水流太大, 影響了蝦子的生活. 還有, 初生的蝦B經常從濾水器的進水口走入了濾筒, 這是經常跟蝦B失散的問題.
往後, 我看到網上文章和短片, 大多數都是用水妖的. 所以我便轉用了水妖, 配合氣泵使用, 效果真的比濾水器好. 空氣通過氣管進入水妖並排出, 同時間將水流帶動, 水中的骯髒細微雜質便會經過過濾棉並被卡住. 另一方面, 過濾棉亦係微生物和細菌繁殖之處. 可以給蝦子作食物, 和養硝化細菌的地方. 當然, 如果你的蝦缸是大型的, 那過濾器+水妖一起用是最好的.
我用的是仟銳 QS-200A, 每邊海棉下面還有1個載生物環的兜, 我加入了生物環來培養硝化細菌, 另外也加了些少草泥丸, 作用是增加水的酸性, 觀賞蝦一般都要在PH 7 以下生活的.
我是淘寶人, 因為要開很多蝦缸, 經常大批買些養蝦設備用品回來. 如果有朋友需要購買以下的水妖的, 可以 Whatsapp 我, 我買多咗4-5個.
仟銳 QS-200A $50/個
4) 幾舊沉木
究竟沉木有咩用呢?
沉木主要可以幫助保持水質在弱酸水狀態。加上在沉木上捆綁上水草或莫絲，可以給蝦B有遮蔽的地方，避免給其他物種攻擊。
蝦缸的水質，最好是在 PH值 6.2～6.8， GH值4~5的條件較為適宜。如果 PH值高過7，那就會產生對蝦B有害的物質。所以沉木便可以發揮一個穩定PH的作用了。
而水的硬度，對蝦B成長的影響，是有少少矛盾的。
當水質是硬水時(即硬度大於8，例如水喉水，礦泉水...等等)，蝦B不容易脫殼，生長會減慢。而硬水中有較多的礦物質，會令蝦B身體顏色會變得加深和鮮艷。
但係，蝦B在繁殖的時候，卻需要軟水(即硬度少於8，例如純水，蒸餾水...等等。在軟水水質下，蝦B容易脫殼，有利於母蝦脫殼時授精的繁殖過程。
蝦B喜歡在沉木上玩的，大家不妨放多幾舊沉木於蝦缸內，看看蝦B的一舉一動，睇幾耐都睇唔厭的。😆
6) 蒙脫石 和 太古海泥
蝦缸內放 蒙脫石 和 太古海泥，分別有什麼作用呢? 等大家一齊睇下。
蒙脫石
蒙脫石含有多種的礦物營養素。一放入蒙脫石,蝦馬上靠近，並且喜愛食用。
另外蒙脫石能夠穩定水質。蒙脫石PH值是在6.5-7.5之間，它通過其本身微弱的電離現象，可活化水分子。可除臭改善、清潔水質，對水中的重金屬離子、有害浮游細菌有吸附、殺滅作用。蒙脫石含有活化硝化細菌的主要成份，是硝化細菌的最佳菌床，可令水質長時間穩定。
蒙脫石也有美白的效果。令紅水晶蝦白色的部分更密更厚。最好選擇長效蒙脫石，令水質可以維持長達6個月之久。
太古海泥
太古海泥是一種海泥，是經過長時間的泥層沉積而成。而每個泥層的形成，是有不同的物積和沈積方法組成，所以太古海泥含有不同的化學沉積物原素，含量非常豐富。有利於蝦B攝取，對於蝦B的成長有著很大的幫助。
太古海泥亦有著跟蒙脫水相近的功效。它可以活化有益的細菌，淨化水質，消除有毒和有害重金屬。它能提供多達50多種微量原素，對於RO純水缺乏礦物質，能夠產生補充的作用。
如果在蝦缸各放1塊 蒙脫石 和 太古海泥，蝦B便會精神萬分，健康快樂地成長了!
8) 水草 躲避屋
蝦B係夜行性嘅動物，蝦B會係白天的時候會躲藏，如果蝦B要進行脫殼，更加需要拉地方躲藏，免得脫殼後被其他蝦B攻擊。
莫絲
我認為莫絲係蝦缸內面，係最合適的一種水草。莫絲係陰性草，不需要CO2。因為如果要養陽性草，便要加CO2，二氧化碳雖然會令PH降低，但係太多CO2會令到蝦B不舒服的。蝦B係需要氧氣，不是二氧化碳。
躲避屋
蝦B都需要時間安靜一下，放個躲避屋，無論係脫殼、交配、蝦B出世後躲藏，都會係一個好好的選擇。
1) 🦐蝦缸的尺寸
如果要開新缸, 第一時間就係唸蝦缸嘅尺寸. 究竟養蝦要用咩尺寸蝦缸好呢?
我記得有朋友問過我, 可唔可以用1個細的玻璃樽去養蝦? 我話得, 去買那種海水櫻花蝦, 水乾加營養液便可以了, 可以養3-5年唔會死的.
如果淡水的, 即我地養的觀賞蝦, 應該就唔可以用小樽去養喇, 最基本可能放個打氣石都唔夠位, 蝦會缺氧而死.
要養觀賞蝦, 我認為最細的蝦缸尺寸, 都要有 長25 X 闊25 CM X 高25 CM左右, 水體要有15-20升水才可以. 起碼夠位放入1個最細的水妖, 打氣不要太大, 令水流不要太快, 蝦會舒服些. 剛剛有朋友問呢個尺寸能否加水冷? 最後我介紹咗 Eheim Compact 40, 駁奧凌電子水冷, 最後都搞掂咗. 當然, 如果屋企夏天長期開冷氣的, 邊個尺寸的蝦缸也無所謂了.
我自己的蝦缸尺寸係 長60CM X 闊45CM X 高32CM, 水體大約80幾升. 我以放50隻蝦入去為一組, 之後便慢慢生蝦B了.
養觀賞蝦的蝦缸高度不宜太高, 因為蝦是沉底型生活的物種, 長期在底層覓食, 不會太多時間在上層游動. 魚缸最好的高度在 30-32 CM左右, 一來方便配置濾水器和水冷, 二來也方便養家觀賞和打理. 水體不太大, 換水時間也會短一點.
3) 蝦缸用 ADA 1代, 還是2代 黑泥?
先了解兩代黑泥有什麼分別
ADA 1代黑泥
-黑色泥
-養份較多
-開缸初期no3含量較高
-初期水容易變黃
-保持酸性PH值時間會長些
-價錢便宜些
ADA 2代啡泥
-啡色泥
-養份較少
-開缸初期no3含量較少
-初期水容不易變黃
-保持酸性PH值時間會短些
-價錢貴些
養米蝦或水晶蝦, 泥中的養份是好重要的, 加上蝦子要弱酸軟水, 泥能夠保持酸力的能力便成為首要條件, 所以 ADA 1代黑泥是一個好選擇.
開缸初期, 我喜歡放細顆的 ADA 1代黑泥, 薄薄的一層已經足夠了. 用RO水, 加些硝化細菌, 生態菌, 納豆菌...好多菌.... 一般養水1-2個星期, 我就可以落蝦了.
又不是說要養水至少1個月才可以落蝦嗎? 主要因為我將其他蝦缸的水調1/3過來新缸, 整個硝化系統便可以加快了. 落薄薄的一層黑泥, 主要可以減少水黃的問題. 要降酸鹼值, 可以加沉木, 欖仁葉...等等. 無需要加太多黑泥. 加上細顆的黑泥, 外觀上好看一點, 又不容易變泥粉, 方便清潔和管理.
其實還有很多其他牌子的泥土可以選擇的, 大家不紡多試一下, 看看效果如何?
5) RO純水
養蝦B是否真係要RO純水? 其實真係見仁見智了.
我養過米蝦, 係用水喉水嘅, 先入水樽, 然後打氣來除氯氣, 2-3日之後, 就可以加水入蝦缸喇. 水喉水嘅PH係7~7.5左右, 要靠滴漏方式慢慢將水加入蝦缸, 水質就唔會一下子跟蝦缸內的PH有很大的差別. 米蝦嘅適應能力係比較強, 一般都唔會出事.
至於水晶蝦呢, 就真係有D要求喇. 基本上係唔能夠用水喉水養, 係唔會長命. 我認為水喉水嘅PH比較高, 加上水中的雜質和有害物質比較多, 做成水質不穩定, 脆弱嘅水晶蝦係承受唔到嘅. 所以每位養水晶蝦高手都係會選擇用RO純水去養的. 這個係養水晶蝦嘅先決條件.
當然你可以用蒸餾水去養, 但成本就比較貴. 而我在淘寶買了最平個隻RO濾水芯, 百幾蚊, 出泥D水係PH7點幾左右, 靠草泥丸和沉木降酸. 我唔鍾意用欖仁葉, D水實在好黃, 影響判斷水質是否有問題. 而TDS在 10-20左右, 加入Hagen礦物質水, 就可以將水質控制好. 水質穩定, 無論係養米蝦或水晶蝦, 都完全沒有問題喇. 😎
7) 燈具
燈光是養觀賞蝦最重要的環節之一，很多朋友都忽略了這個元素。光源主宰了蝦B身體的成長和顏色。有充足的光照，蝦B的殼才可以順利成長，蝦殼才會變厚，如加上適量的礦物元素，蝦B的殼會漸漸增厚增色。相反，如果缺乏光照，蝦B殼便會腿色，嚴身重的會影響蝦B脫殼成長。
淘寶 吉印 LED燈
最初我是用這種3源色的LED燈，一來淘寶價錢便宜，二來燈亮起來的時候也挺亮的。但係用耐咗之後，我發現蝦B的殼有腿色的現象，究竟問題是出現係邊度呢?
我以前養魚的時候，是用舊式的T5HO光管燈的，從一般的6500K，至10000K都用過。這些燈的特點是水中穿透力強。這使我想起，原來3源色的LED燈的穿透力不夠。那唯一的辦法是增加光照時間，但係每日都開了8個鐘，莫非要開10~12個鐘?
Philips 菲利蒲 T5 LED燈 6500K
最後想了又想，還是多加1套6500K的LED燈最實用，我維持了開燈8個小時，兩套燈輸出的燈光，已經足夠讓蝦B殼成長。燈光看起來又不會是只有6500K白光，也有3源色LED的柔和光，可能我不太喜歡太白光的感覺。