1) 🦐蝦缸的尺寸

我記得有朋友問過我, 可唔可以用1個細的玻璃樽去養蝦? 我話得, 去買那種海水櫻花蝦, 水乾加營養液便可以了, 可以養3-5年唔會死的.

 

如果淡水的, 即我地養的觀賞蝦, 應該就唔可以用小樽去養喇, 最基本可能放個打氣石都唔夠位, 蝦會缺氧而死.

 

要養觀賞蝦, 我認為最細的蝦缸尺寸, 都要有 長25 X 闊25 CM X 高25 CM左右, 水體要有15-20升水才可以. 起碼夠位放入1個最細的水妖, 打氣不要太大, 令水流不要太快, 蝦會舒服些. 剛剛有朋友問呢個尺寸能否加水冷? 最後我介紹咗 Eheim Compact 40, 駁奧凌電子水冷, 最後都搞掂咗. 當然, 如果屋企夏天長期開冷氣的, 邊個尺寸的蝦缸也無所謂了.

 

我自己的蝦缸尺寸係 長60CM X 闊45CM X 高32CM, 水體大約80幾升. 我以放50隻蝦入去為一組, 之後便慢慢生蝦B了.

 

養觀賞蝦的蝦缸高度不宜太高, 因為蝦是沉底型生活的物種, 長期在底層覓食, 不會太多時間在上層游動. 魚缸最好的高度在 30-32 CM左右, 一來方便配置濾水器和水冷, 二來也方便養家觀賞和打理. 水體不太大, 換水時間也會短一點.